riba petishon di frakshon di dp konseho insular di djamars siman pasá a hasi un intento pa trata, segun dp, un krísis den kolegio ehekutivo. segun mpb no  tin krísis i frakshon di dp no por a prueba ku tin krísis i pone diputadonan di mpb ku ta kontra pa otorgá pèrmit pa konstrukshon di un hotèl responsabel pa e krísis. diputadonan di mpb mester no a bini ku ningun argumento hurídiko pa hustifiká ku e konseho pa duna  pèrmit no ta bon.asuntu di masterplan stratégiko di turismo ta algu fofo i no ta lei, kiko ta un butik hotèl no ta spliká. asuntu di piso no ta pará den lei, loke tin ta diessinku meter i posibilidat pa eksepshon, asuntu di parkeo no por ta argumento pa duna òf no duna pèrmit, asuntu di estudio ta pa konfirmá loke bo ta kontra. esaki ta muestra ku sigur no ta bai kooperá ku mediashon. na final di e reunion presidente señor oleana a sugirí pa traha riba vishon. for di 1993 tin e vishon: “krese ku mantenshon di naturalesa i kultura”. kiko mpb a hasi pa mantenshon di naturalesa i kultura. si mi no ta herá, kuarenta mil pa himno, sinkuenta mil pa dia di rincon i ménos supsidio pa organisashonnan kultural. mpb, al kontrario na upb, no tin ningun mira riba kambionan ku ta tumando lugá.diputado kroon su vishon a sali na kla durante e reunion. “perseverá pa medio di kambio”. ku otro palabra mantené elementonan di balor di tradishon boneriano i krea espasio pa kambio. tur ku ta kontra diputado kroon, kuta na fabor pa duna pèrmit, nankuminsá lesa “masterplan desaroyo stratégiko di bonaire 2010-2025” i gradisí dios ku kroon no a manda kolegio ehekutivo kas.

Share This
error: Content is protected !!