AKSIDENTE KAYA INTERNASHONAL

Alrededor di 5 or di atardi riba djamars 19 di yüli un aksidente entre un pikòp i un outo a tuma lugá riba Kaya Internashonal. Un outo ku tabata stashoná na man robes di kaminda diripiente a kore subi kaminda ku konsekuensia ku un pikòp ku tabata biniendo a dal den dje. Na promé instante tabataparse ku pia di shofùr di e outo tabata pega den e outo pa kua brantwer tambe a akudí na e sitio.  Mas lat a resultá ku esaki no tabata e kaso i personal di ambulans por a saka e shofùr sin problema for di e outo pa atransporte pa hospital pa tratamentumédiko.

AKSIDENTE KU ‘CROSSER’ KU DETENSHON

Riba djadumingu 17 di yüli a detené un mucha hòmber di inisial S.R.E. di 17 aña di edat na Kaya Finlandia. Patruya a wak e sospechoso ta kore riba un crosser sin un hèlmadekuá i sin plachi number bálido pega patras riba e crosser. E sospechoso a neglishá señalnan pa para i a sigui kore. Na Kaya Finlandia ela baha spit manera kos ku tabatabai para. Na momentu ku e outo di polis a para e sospechoso a buta spit i a kore bai, pero e pèrdè kontrol den un bògt einan mes i a kore drenta mondi. Na momentu ku a pidié pa su dokumentunan ainda e kier a purba kore bai pero a logra detené.

 KIEBRO RIBA TERENO DI KONSTRUKSHON NA SABADECO

Riba djasabra 16 di yüli a drenta keho di kiebro den un kònteinersituá riba un tereno di konstrukshon na Sabadeco. Entre djabièrnè 15 i djasabra 16 di yülideskonosínan a bai ku várioshèrmènt. Bou di esakinan tabatin entre otro:

2x mashin di zag grandi kolo hel di marka Dewalt

2x martin dikonstrukshoneléktriko kolo kòrá di marka Milwaukee

4x mashin di bora eléktriko kolo hel di marka Dewalt

1x mashin di bora kolo kòrá di marka Milwaukee

1x skrufdrai eléktriko kolo kòrá di marka Milwaukee

2 skrufdrai chikitu eléktriko kolo hel di marka Dewalt

1x mashin di zag di man kolo bèrdè di marka Makita

1x kòmprèser kolo blou i tambe várioshèrmènt di man.

Ta investigando e kaso.

ENTRADA HUDISIAL KU TRES DETENSHON

Riba djabièrnè 15 di yüli a hasi un entrada hudisial en konekshon ku e violashon di e Lei di Opio BES, den un kas situá den bario Sabana. Aki a tene tres persona; un hòmber di 46 aña di edat di inisial E.V.O.N., un hòmber di 33 aña di edat di inisial F.G.R.W. i un muhé di 49 aña di edat di inisial V.M.G.N. Durante di e entrada hudisial a konfiská droga. Investigashon den e kaso ta andando.

KÒNTRÒL DI TRÁFIKO

Den oranan di mainta riba djabièrnè 15 di yüli a tene kòntròl di tráfiko na dos sitio. E kòntròlnan tabata den kuadro di kòntròl di dokumentunan nesesario, e estado tékniko di vehíkulonan i otro violashonnan di e ordenansa di tráfiko.E promé kòntròl a tuma lugá na Kaya Korona i e di dos na Kaya Industria. Durante ámbos kòntròl a parai kontrolá un total di 43 vehíkulo, pa kua a duna 18 prosèsferbal. Esaki tabata pa:

6x manehá sin dokumentunan di seguro

5x pa manehá sin reibeweis (bálido)

7x manehá sin faha di seguridat bisti.

DETENSHON

Den oranan di mardugá riba djabièrnè 15 di yüli, a detené un mucha hòmber di inisial L.G.H. di 17 aña di edat na un kas situá na Amboina en konekshon ku insulto di polis den funshon i pa mustra komportashon di manehá peligroso. E sospechoso a purba hui for di polis durante di kua e tabata manehá sin lus i ku velosidat haltu den áreahabitá. Polis a sigui su tras te na un kas kaminda el a para. Aki a pidié pa su reibeweis i su prueba di seguro kaminda ela insultá e agentenan. E no por a mustra e dokumentunan ku a pidié  i a detené.

Share This
error: Content is protected !!