DETENSHON

Den oranan di anochi riba djamars 2 di ougùstùs a detené un hòmber di inisial J.M.F.P. di 47 aña di edat en konekshon ku destrukshon i menasa na un establesimentu di hóreka situá na Kaya Dr. Jose Girigorio Hernandez. E sospechoso a menasa un hòmber i tambe a destruí su tayernan d outo.

KIEBRO DEN AKOMODASHON TURÍSTIKO

Riba djamars 2 di ougùstùs a drenta keho di kiebro den un akomodashon turístikosituá na Kaya Finlandia. Durante e mardugá di promé i 2 di ougùstùsdeskonosínan kibra drenta e akomodashon i a bai ku entre otro sènkèsh, un kámara di marka Olympisch, un oloshi di marka TW Steel, un GoPro di marka Nikkei, un lèptòp di marka HP, un brel di solo di marka Rayban, un tas pretu di marka East Pack ku komo kontenido un pòtmòni ku vários tarheta, un tas bèrdè di marka Fjall Raven i un spiker di marka JBL. Ta investigando e kaso.

LADRONISIA

Riba djaluna promé di ougùstùs a drenta keho di ladronisia den un kas situá na Kaya Maraka. Entre 24 i 30 di yülideskonosínan a bai ku diferente joya di oro i di platafor di den un kaha di joya. E kaha di joya tabata den kamber di e kas. Ta investigando e kaso.

Share This
error: Content is protected !!