E Akuerdo Atministrativo 2018-2022 entre Bonaire i Hulanda ku lo aoptimalisá i pone un base fuerte pa progreso di e siudadano ta yegando su fin. Awor ta momentu pa hasi un evaluashon òf  análisis di e puntonan: fuerte, suak, menasa i oportunidat di e akuerdo pa sa kiko a logra promé ku i despues di Covid i tambe ku si a traha a base di bon gobernashon. Kisas pueblo por komprondé e motibu di Clark Abraham pa a kritiká e akuerdo i bandoná sala sin vota i no a firma e akuerdo.Hulanda a i ta pone bastante sèn disponibel pa ehekutá e akuerdo pero ta resultá ku Bonaire no tin sufisiente boneriano kapas pa ehekutá e akuerdo. E reunion di Komishon B&O di 24 di ougùstùs a mustra ku Kolegio Ehekutivo ta pidi sèn pero no tin ningun plan di maneho. A yena Bonaire ku konsùltent, lider di proyekto, mènedjer di proyekto, kolaboradó di maneho for di Hulanda i otro islanan di eks Antia Hulandesi a despedí di profeshonalnan boneriano na salubridat públiko, Bonlab i na finansa. Tur a bai studia i kumpli ku e petishon pa bin traha pa nan isla pero polítika partidista ta kontinuá ku yagmentu riba nos hendenan.Parse ku no ke mira ku e profeshonalnan strañero ta bini di pais i isla ku tin universidat i Bonaire no tin a ni sikiera un HBO. Esaki tambe ta desigualdat.

Share This
error: Content is protected !!