KRALENDIJK, – Djaluna 28 di novèmber ta Dia di Derecho di edukashon na Boneiru! E dia ei Fundashon Komunidat di skol Boneriano (SGB) lo dediká èkstra atenshon na nos maneho di presensia revisá. Ku e maneho di presensia nos ke motivá alumno- i studiantenan èkstra pa bini skol.

Nos ta hasi esaki dor di dediká mas atenshon na un klima pedagógiko positivo, pa alumno- i studiantenan haña agradabel pa bini skol. Banda di esei nos ta bai monitòr presensia bon i averiguá dikon alumno- òf studiantenan (tin biaha) no ta na skol. Dor di identifiká kousa di e ousensia, nos komo skol por atendé bon ku nesesidat di e alumno i studiante. Den esaki ta importante pa kolaborá estrechamente komo tim. Gustosamente nos ta eksplorá serka e alumno òf studiante mes kiko ta su nesesidat i si ta posibel nos ta involukrá mayornan. Kaminda tin mester di sosten intensivo, nos lo inkluí Enseñansa obligatorio i otro partnernan di e área sosial.

Durante e Dia di Derecho di edukashon, maneho, lidernan di tim, dosentenan i koordinadónan di presensia ta risibí e alumno- i studiantenan na skol. Lo parti pamflèt ku e vishon di presensia i duna splikashon di e kontenido.

Enfoká riba presensia ta algu realmente otro for di ehekutá e obligashonnan legal relashoná ku ousensia. SGB mas tantu lo buska maneranan preventivo pa oumentá presensia i ku esei prevení ousensia!

Share This
error: Content is protected !!